суббота, 26 декабря 2015 г.

Ինչպես դիմել Եվրոպական Դատարան և հետևել Հայաստանի վերաբերյալ վճիռների կատարմանը agent.echr.am կայքի միջոցով

Հիշեցնենք, որ 2016թ. հունվարի 1-ից ուժի մեջ կմտնեն Մարդու իրավունքների եվրոպական դատարանի կանոնակարգի էական փոփոխություններ ՝ կապված Եվրոպական դատարան ներկայացվող անհատական գանգատների բովանդակության և այդ գանգատները դատարան ներկայացնելու ընթացակարգի հետ:
Այս կապակցությամբ Եվրոպական դատարանում ՀՀ ներկայացուցչության պաշտոնական կայքը ներկայացնում է անհրաժեշտ պարզաբանումներ Եվրոպական դատարան դիմելու մտադրություն ունեցող քաղաքացիների և նրանց փաստաբանների համար: Պարզաբանումներին կարող եք ծանոթանալ հետևյալ հասցեով http://agent.echr.am/events/rule-47-amended.html:

Ինչպես դիմել Եվրոպական Դատարան և հետևել Հայաստանի վերաբերյալ վճիռների կատարմանը agent.echr.am կայքի միջոցով





четверг, 24 декабря 2015 г.

ԱՄՆ ՊԵՏՔԱՐՏՈՒՂԱՐՈՒԹՅՈՒՆ ԺՈՂՈՎՐԴԱՎԱՐՈՒԹՅԱՆ, ՄԱՐԴՈՒ ԻՐԱՎՈՒՆՔՆԵՐԻ ՈՒ ԱՇԽԱՏԱՆՔԻ ԲՅՈՒՐՈ ՄԱՐԴՈՒ ԻՐԱՎՈՒՆՔՆԵՐԻ ԶԵԿՈՒՅՑ 2014Թ. ՀԱՅԱՍՏԱՆ

ԱՄՆ ՊԵՏՔԱՐՏՈՒՂԱՐՈՒԹՅՈՒՆ ԺՈՂՈՎՐԴԱՎԱՐՈՒԹՅԱՆ, ՄԱՐԴՈՒ ԻՐԱՎՈՒՆՔՆԵՐԻ ՈՒ ԱՇԽԱՏԱՆՔԻ ԲՅՈՒՐՈ ՄԱՐԴՈՒ ԻՐԱՎՈՒՆՔՆԵՐԻ ԶԵԿՈՒՅՑ 2014Թ. ՀԱՅԱՍՏԱՆ
Հրապարակվել է 25 հունիսի, 2015թ.
ԱՄՓՈՓԻՉ ԱԿՆԱՐԿ
Ըստ սահմանադրության Հայաստանը երկրի ընտրովի ղեկավար և միապալատ օրենսդիր կառույց (Ազգային ժողով) ունեցող հանրապետություն է: Ազգային ժողովում Հայաստանի հանրապետական կուսակցությունը (ՀՀԿ) կազմում է մեծամասնությունը և առաջնորդվելով Նախագահ Սերժ Սարգսյանի կողմից շարունակում է գերիշխող դիրք զբաղեցնել երկրի քաղաքական կյանքում: Երկրում 2013թ. փետրվարին անցկացվեցին նախագահական, իսկ 2012թ.՝ օրենսդիր կառույցի ընտրություններ: Եվրոպայի անվտանգության և համագործակցության Ժողովրդավարական հաստատությունների և մարդու իրավունքների գրասենյակի (ԵԱՀԿ/ԺՀՄԻԳ) գնահատմամբ նախագահական ընտրություններն, ընդհանուր առմամբ, արհեստավարժ, բաց ու թափանցիկ կերպով էին կազմակերպված՝ հիմնական ազատությունների նկատմամբ հարգանքով, սակայն առանձնացան թերություններով, այդ թվում՝ ոչ հավասար խաղի պայմաններով, քվեարկության օրը գրանցված որոշ լուրջ խախտումներով և ընտրական գործընթացի ամբողջականության վերաբերյալ մտահոգություններով: Նմանատիպ թերությունները ստվեր էին նետել նաև 2012թ. խորհրդարանական ընտրությունների վրա, որի ընթացքում ԵԱՀԿ արձանագրել էր նաև ընտրակաշառքի վերաբերյալ արժանահավատ հաղորդումներ, բողոքների ներկայացման ու բողոքարկման գործընթացի թերություններ և ընտրական օրենսգրքի շարունակական թերություններ՝ չնայած տեղ գտած բարելավումներին: Անջատողականները, Հայաստանի աջակցությամբ, շարունակել են վերահսկել Լեռնային Ղարաբաղի մեծ մասը և ադրբեջանական յոթ այլ տարածքներ: Ըստ ՄԱԿ-ի Փախստականների հարցերով գլխավոր հանձնակատարի հիմնականում Լեռնային Ղարաբաղի չկարգավորված հակամարտության արդյունքում Ադրբեջանում տեղահանված էին մնում 622.892 անձ: Լեռնային Ղարաբաղի վերջնական կարգավիճակի հարցը շարունակում է մնալ միջազգային միջնորդական ջանքերի օրակարգում՝ ԵԱՀԿ Մինսկի խմբի շրջանակում, որտեղ համանախագահում են Ռուսաստանը, Միացյալ Նահանգները և Ֆրանսիան: Ավելացել են բախումները

суббота, 5 декабря 2015 г.

Քրեակատարողական հիմնարկները գերբեռնված

Ըստ ՄԻՊ աշխատակիցների 2014 թվականին իրականացրած ուսումնասիրության, ամենաբեռնվածը
«Նուբարաշեն» քրեակատարողական հիմնարկն է, որտեղ լրակազմը սահմանված է 820 մարդու համար, սակայն ուսումնասիրության ժամանակ այնտեղ եղել է 1055 դատապարտյալ:
«Կոշ» քրեակատարողական հիմնարկում լրակազմը 640 անձի համար է սահմանված, սակայն պահվել է 739 մարդ:
«Սևան» քրեակատարողական հիմնարկում 548-ի փոխարեն 593 մարդ է պահվել,
«Արթիկ» քրեակատարողական հիմնարկում՝ 373 մարդու փախարեն 402 մարդ:
«Նուբարաշեն» ՔԿՀ-ի խցերից մեկում պահվել է 18 ազատազրկված անձ, չնայած խցում տեղադրված է եղել ընդամենը 12 մահճակալ, իսկ խցի մակերեսը մոտ 40 քմ է եղել: Մինչդեռ, օրենսդրության համաձայն՝ ուղղիչ հիմնարկում մեկ դատապարտյալին հատկացվող տարածքը չի կարող պակաս լինել 4 քմ-ից:
2015թ. ուսումնասիրությունները դեռևս ամփոփված չեն:
2014թ. հիմնականում ծանրաբեռնված են ՔԿՀ-ների կալանավայրերի տարածքները, քանի որ հայաստանյան դատարանները որպես խափանման միջոց մեծամասաբ կիրառում են կալանքը:

пятница, 4 декабря 2015 г.

Դուք կարող եք նպաստել հանրաքվեի ճիշտ արդյունքներին

Սահմանադրական բարեփոխումների դեկտեմբերի 6-ին կայանալիք հանրաքվեից առաջ՝ ԹԻ Հայաստան| TI Armenia հակակոռուպցիոն կենտրոնը իր ֆեյսբուքյան էջում հետեւյալ հայտարարությունն է տարածել.
՛՛Շտապ՝ ՀՀ բոլոր ընտրողներին! Եվ խնդրում ենք մաքսիմալ տարածել! Կանխենք մահացած, Հայաստանում չհաշվառված, ինչպես նաև քվեարկության օրը երկրից դուրս գտնվող անձանց «քվեարկությունը»: Ընտրողների ցուցակների ուռճացումը կանխելու նպատակով անհրաժեշտ է, որ յուրաքանչյուր ոք այս համակարգի միջոցով նշի՝ մասնակցելու է քվեարկությանը թե ոչ՝ կանխելով իր փոխարեն քվեարկելու հնարավորությունը:՛՛
Համակարգը գտնվում է http://hanraqve.com/ կայքում
---
՛՛Աջակցություն՛՛ ՀԿ-ն բացի բոյկոտից  որեւէ ձեւաչափով չի մասնակցոմ Հայաստանում տեղի ունեցող ընտրական գործընթացներին,  քանի որ չկան վերահսկողական մեխանիզմներ ընտրական գործընթացը վերահսկելու համար, ինչը հակասում է ժողովրդավարական ընտրություններին, հակառակ դեպքում մեր մասնակցությունը  համարում ենք Հայաստանում ոչ ժողովրդական  ընտրությունները լեգետիմացնելու ծառայություն:
Մեր դիրքորոշումը կմնա նույնը, քանի չի փոխվել ընտրական օրենսգիրքը, մասնավորապես ընտությանը մասնակցած Հայաստանում առկա քաղաքացիների ընտրացուցակների հրապարակումը ընտրություններից հետո գտնում ենք պարտադիր: Բացի դա ժողովրդավարական ընտրությունները ենթադրում է վերահսկողության իրացման այլ դրույթների ներառում:

четверг, 26 ноября 2015 г.

Հայաստանում գործող ռազմական օտարերկրյա ենթակայության խմբեր

Երեկ ԱԱԾ-ի եւ ոստիկանության կողմից վնասազերծված «տեռորիստական» խմբի անդամները՝ «Հայոց Վահան» ՀԿ անդամներ են, որը ըստ որոշ տեղեկությունների մասնակցել է Քեսաբի ազատագրմանն ու պաշտպանությանը: Այսօր մամլո ասուլիսի ժամանակ քաղաքագետ Անդրիաս Ղուկասյանը, ասել է. «Այդ կազմակերպությունը դիտարկում եմ որպես ԱԱԾ հովանու ներքո գտնվող նախաձեռնություն, քանի որ իրենք էին համակարգում Քեսաբ գնալը: Առանց պետական աջակցության չեն կարող ՀՀ-ից գնալ հասնել Քեսաբ»:
Դեպքին անմիջապես անդրադարձել են ռուսական ԶԼՄ-ր, նշելով որ Հայաստանում կանխվել է միջազգային տեռորիստական կազմակերպության կողմից իրականացվելիք ահաբեկչությունը;

Ինչ  նպատակ էր հետապնդում  «հակատեռորիստական» գործողությունը,  միգուցե նպատակներից մեկը Հայաստանի զինված կազակական խմբերին մոնոպոլ դիրք տալը:                      
Ուզում ենք ներկայացնել Հայաստանում գործող պոտենցիալ տեռորիստական այլ խմբավորումներ, որոնք Հայաստանում ներկայացնում են օտարերկրյա շահեր, սրանք այն մարդիկ են, որոնք ուրիշ երկրի շահերի համար Հայաստանում կազմակերպություններ են ստեղծել, այնպիսի մի երկրի, որի շահը կարող է Ադրբեջանին  Հայաստանի դեմ միլիարդավոր դոլարների զենք տալը լինի եւ ուրիշ թշնամական գործողությունները: Տեղեկությունը Արդարադատության նախարարության, Պետռեգիստրի տվյալներն են:
Դրանք կազակներ անունով Հայաստանում գործող ռազմականացված կամ զինված օտարերկրյա ենթակայության կազմակերպված խմբեր են, որոնց անդամների թիվը 1000 -ից ավելի է, ըստ իրենց տեղեկությունների http://www.azatutyun.mobi/a/26595758.html, զենք զինամթերքը ԱԱԾ կողմից առգրավված չի.
Ներքեւում գրվածը նշված կազմակերպությունների մասին ոչ ամբողջական տեղեկություններն են եւ ոչ ամբողջական ցանկը:
-------
Կազմակերպության անվանում/ գրանցման համարը/հիմն.տարեթիվ/ հիմնադիրների Անուն ազգանուն / Անվանում Քաղաքացիություն
---------
1/ «ԿԱԶԱԿՆԵՐ» ՍՊԸ
29.110.825954 / 2014-09-04
ԽԱՉԻԿ ՄԱՐՏԻՐՈՍՅԱՆ ԱՐԶՈՒՄԱՆԻ ՀԱՅԱՍՏԱՆ

2/ ««ԿԱԶԱԿՆԵՐ-ԽԱՂԱՐԱՐՆԵՐ» ՄԻՋԱԶԳԱՅԻՆ ՄԻՈՒԹՅՈՒՆ» ՀԿ
211.171.853326 / 2015-04-13
ԱՐՍԵՆ ՊԱՊՅԱՆ ՌԱՖԻԿԻ ՀԱՅԱՍՏԱՆ
ԺԱՆՆԱ ԳԱՍՊԱՐՅԱՆ ՄԵԼՔՈՆԻ ՀԱՅԱՍՏԱՆ

3/ «ՈՉ ԱՎԱՆԴԱԿԱՆ ԲՆԱԿԱՎԱՅՐԵՐԻ ԿԱԶԱԿՆԵՐԻ ՄԻԱՎՈՐՈՒՄ» ՀԱՄԱՌՈՒՍԱՍՏԱՆՅԱՆ ԱՍ
211.060.03740 / 2006-01-16
հիմնադիր
ՈՉ ԱՎԱՆԴ.ԲՆԱԿ.ԿԱԶ.ՄԻԱՎ.ՀԿ
--
նման ՀԿ չկա ճշգրիտ համընկնումով

4/ «ԳԵՆԵՐԱԼ-ԼԵՅՏԵՆԱՆՏ ՄԵԼԻՔ ՎԱԼԵՐԻԱՆ ՄԱԴԱԹՈՎԻ ԱՆՎԱՆ ԿԱԶԱԿՆԵՐԻ ՄԻԱՍՆՈՒԹՅԱՆ ՀԱՅԿԱԿԱՆ » ՀԿ
211.171.04362 / 2007-03-26
ԽԱՉԱՏՈՒՐՅԱՆ ՎԼԱԴԻՄԻՐ
ՄԱԴԱՏՈՎ ՍԵՐԳԵՅ ՀԱՅԱՍՏԱՆ
ՍՈՒՔԻԱՍՅԱՆ ՌՈՒԲԵՆ ՀԱՅԱՍՏԱՆ
ՀՈՎՀԱՆՆԻՍՅԱՆ ՎՌԱՄ ՀԱՅԱՍՏԱՆ
ՄԱԴԱԹՅԱՆ ԱՐՏՅՈՒՇԱ ՀԱՅԱՍՏԱՆ

5/ «ԿԱԶԱԿՆԵՐԻ ՄԻՋԱԶԳԱՅԻՆ ՄԻԱՎՈՐՈՒՄ «ՄԻՐՈՏՎՈՐԵՑ» ՀԿ
211.171.790104 / 2013-11-15
Կարեն Պողոսյան Ռուսաստան
Կարեն Պողոսյան Ռուսաստան
նույն անուն ազգանունով 2 անձ են հիմնադիրները, ըստ հիմն. արձանագրության

6/ «ԿՈՒԲԱՆԻ ԿԱԶԱԿՆԵՐԻ ՀԱՅԿԱԿԱՆ ՄԻԱՎՈՐՈՒՄ» ՀԿ
211.171.810499 / 2014-04-17
ԱԼԲԵՐՏ ՎԱՐԴԱՆՅԱՆ ՍԱՐԻԲԵԿԻ ՀԱՅԱՍՏԱՆ
ԳԵՎՈՐԳ ՀԱԿՈԲՅԱՆ ԻՍԱԲԵԿԻ ՀԱՅԱՍՏԱՆ
ՎԱՍԻԼԻ ԳՅՈՒՐՋՅԱՆ ՀԱՅԿԱԶԻ ՀԱՅԱՍՏԱՆ

7 / ՌՈՒՍԱՍՏԱՆԻ ԵՎ ԱՐՏԱՍԱՀՄԱՆԻ ԿԱԶԱԿՆԵՐԻ Լ. ՄԵԼԻՔՈՎԻ ԱՆՎԱՆ ՄԻՋԱԶԳԱՅԻՆ ՀԿ
211.171.824855 / 2014-08-27
ՅՈՒՐԻԿ ՍԻՄՈՆՅԱՆ ԱՂԱՍՈՒ Ռուսաստան
ԹԱՄԱՐԱ ՄԿՐՏՉՅԱՆ Ռուսաստան
ՆԱՐԵԿ ՀԱԽՎԵՐԴՅԱՆ ԳԱԳԻԿԻ ՀԱՅԱՍՏԱՆ
ԴԱՎԻԹ ԱԶԻԶՅԱՆ ԱԶԻԶԻ ՀԱՅԱՍՏԱՆ
ՍՈՒՐԵՆ ԳԵՎՈՐԳՅԱՆ ՆԻԿՈԼԱՅԻ ՀԱՅԱՍՏԱՆ

8/ «ՀԱՅԱՍՏԱՆԻ ԿԱԶԱԿՆԵՐԻ ՄԻՈՒԹՅՈՒՆ» ԻՐԱՎԱԲԱՆԱԿԱՆ ԱՆՁԱՆՑ ՄԻՈՒԹՅՈՒՆ ԻԱՄ
211.150.845249 / 2015-02-11
հիմնադիրներ.
««ՄԻԱՑՅԱԼ ՀԱՅԿԱԿԱՆ ԿԱԶԱԿԱԿԱՆ ՈՒԺԵՐԻ ՄԻԱՍՆՈՒԹՅՈՒՆ»» ՀԿ
Էդուարդ Ղարիբյան ՀԱՅԱՍՏԱՆ
Արտաշես Մաքսապետյան Ռուսաստան
Նվեր Թորոսյան ՀԱՅԱՍՏԱՆ
««ՀԱՅ-ՍԼԱՎՈՆԱԿԱՆ ԿԱԶԱԿԱԿԱՆ ՄԻԱՎՈՐՈՒՄ» » ՀԿ
ՉՈԲԱՆՅԱՆ ՍՈՒՐԻԿ ՀԱՅԱՍՏԱՆ
ՆԱՀԱՊԵՏՅԱՆ ՍՈՒՐԻԿ ՀԱՅԱՍՏԱՆ
««ԿԱԶԱԿԱԿԱՆ ՄԻՋԱԶԳԱՅԻՆ ԴԱՇՆՈՒԹՅՈՒՆ»» ՀԿ
ԱՆԴՐԵԱՍ ՀՈՎՀԱՆՆԻՍՅԱՆ ՀԱՅԱՍՏԱՆ
ԵՂԻԿ ԵՓՐԵՄՅԱՆ ՀԱՅԱՍՏԱՆ
ՍԵՐԳՈ ԱԲՐԱՀԱՄՅԱՆ ՀԱՅԱՍՏԱՆ
ԱԼԲԵՐՏ ՎԱՐԴԱՆՅԱՆ ՀԱՅԱՍՏԱՆ
ՍՏԱՆԻՍԼԱՎ ԶԱԿՐԵՎՍԿԻՅ Ուկրաինա
««ՀԱՅ-ԿԱԶԱԿԱԿԱՆ ՄԻՋԱԶԳԱՅԻՆ ԽԱՂԱՐԱՐԱՐ ՈՒԺԵՐԻ ՄԻԱՎՈՐՈՒՄ»» ՀԿ
ԷԴՈՒԱՐԴ ԲԱԴԱԼՅԱՆ ՀԱՅԱՍՏԱՆ
ՀԱԿՈԲ ՄԽԻԹԱՐՅԱՆ ՀԱՅԱՍՏԱՆ
ՌՈՒՇԱՆ ՀԱՄԲԱՐՁՈՒՄՅԱՆ ՀԱՅԱՍՏԱՆ
««ԱՐԿՕ» ՀԱՅ-ՌՈՒՍԱԿԱՆ ԿԱԶԱԿԱԿԱՆ ՄԻԱՎՈՐՈՒՄ» » ՀԿ
ԱՌԱՔԵԼՅԱՆ ԱՆԱՏՈԼԻ քաղաքացիություն չկա
ՄՈՎՍԻՍՅԱՆ ԼԱՐԻՍԱ ՀԱՅԱՍՏԱՆ
ՀԱՐՈՒԹՅՈՒՆՅԱՆ ՀԱՅԿ ՀԱՅԱՍՏԱՆ
ՄԻՐԶՈԵՎ ՄԱՅԻՍ ՀԱՅԱՍՏԱՆ
---------------
Նման այլ կազմակերպություններ

суббота, 21 ноября 2015 г.

Ինչ է կոռուպցիան

1.1 Կոռուպցիայի սահմանումը


Ինչպես ցանկացած բարդ սոցիալական երեւույթի համար, կոռուպցիայի համար գոյություն չունի միասնական կանոնական սահմանում: Սակայն լուրջ խոսակցություն սկսելով կոռուպցիայի մասին, չենք կարող անտեսել, թե ինչ են հեղինակները նկատի ունենում, օգտագործելով «կոռուպցիա» հասկացությունը: Խոսքը ակադեմիզմի մասին չի, այլ ընթերցողների հետ փոխըմբռնման :

Այս զեկույցում, կխոսենք հիմնականում «պետական» կոռուպցիայի մասին, որտեղ կողմերից մեկը, պետական ծառայություն իրականացնող կողմն է, կամ կատարում է իշխանության կողմից որոշակի պատվիրակված լիազորություններ, կամ որեւէ այլ կերպ: Գիտակցելով, որ տերմինաբանությունը այնքան էլ ճշգրիտ չէ, այդպիսի անձանց համար օգտագործենք, "քաղծառայող», «պաշտոնատար անձ» կամ «չինովնիկ» բառերը:

Պետական կոռուպցիան գոյություն է ունենում, քանի որ չինովնիկը կարող է տնօրինել իրեն չպատկանող ռեսուրսներ՝ որոշակի որոշումների կայացման կամ մերժման միջոցով: Որոշ ռեսուրսներ կարող են ներառել բյուջետային միջոցներ, պետական ​​կամ համայնքային սեփականություն, պետպատվերներ կամ նպաստներ, եւ այլն: Հավաքագրելով տուգանքներ, հարկեր կամ օրենքով նախատեսված այլ պետական վճարներ, չինովնիկը տնօրինում է նաեւ իրեն չպատկանող ռեսուրսները, եթե տուգանքը (հավաքագրումը) օրինական է, ապա դա պետական ​​գանձարանի սեփականությունն է, որ փորձում է թալանել,  եթե օրինական չէ, ապա չինովնիկը փորձում է յուրացնել տվյալ անձի սեփականությունը:

Քաղաքացիական ծառայողը պարտավոր է որոշումներ կայացնել օրենքով (Սահմանադրությամբ, օրենքներով եւ այլ իրավական ակտերով) սահմանված նպատակների հիման վրա եւ հասարակության կողմից հավանության արժանացող մշակութային եւ բարոյական նորմերի հիման վրա: Կոռուպցիան սկսվում է այն ժամանակ, երբ այս նպատակները փոխարինվում են պաշտոնատար անձի շահադիտական հետաքրքրություններով, որն ամրագրված է կոնկրետ գործողություններով: Այս պայմանը բավարար է, որպեսզի երեւույթը բնութագրել ՝շահադիտական նպատակներով ծառայողական դիրքի չարաշահում: Այս երեւույթի եւ կոռուպցիայի միջեւ սահմանը բավական  լղոզված է: Շատ հազվադեպ է, որ պաշտոնյան կարող է ապօրինի օգտվել իր պաշտոնեական դիրքից, գործելով մեկուսացման մեջ, առանց ուրիշների ընդգրկելու իր ապօրինի գործունեության մեջ, ինչպես դա տեղի է ունենում, օրինակ, թաքցնելով ուրիշներից՝ չինովնիկին չպատկանող միջոցների յուրացումը (կարող եք հիշել նախկինում գործածվող  «գանձագողություն» տերմինը). Նման դեպքերում, որպես կանոն, չեն խոսում կոռուպցիայի մասին:

Ավելի հաճախ այլ կերպ է տեղի ունենում: Ստորեւ մի քանի օրինակներ, որոնք կարող են վերագրվել իրավիճակների, երբ դրանք սովորաբար նկարագրվում են «կոռուպցիա» տերմինով:.


  •  Երբ շրջանի պետը հանրային միջոցներ հաշվին (նյութեր, մեքենաներ, զինծառայողներ) կառուցում է իր համար ամառանոց , նա մենակ չի գործում եւ ընկնում է որոշակի կախվածության մեջ ուրիշներից, որոնք  ներգրավված են շինարարության եւ դրա պահպանման մեջ. Որպես կանոն, օգտագործելով իր իշխանությունը ապօրինաբար նյութական օգուտներ ձեռք բերելու համար, պետը պետք է վճարի դրա դիմաց «հանցակիցներին« ծառայության ապօրինի առաջխաղացումներով, պարգեւավճարներով կամ այլ միջոցներով: Այս իրավիճակը մոտ է  կոռուպցիայի ընդունված տեսակետին, քանի որ այն ներառում է մի ամբողջ խումբ պաշտոնատար անձանց, որոնք կոլեկտիվ շահ են ստանում օրենքների եւ կանոնակարգերի խախտումներով:
  •  Երբ պաշտոնյան պարտավոր է օրենքով որոշակի որոշում կայացնել որեւէ անձի համար (օրինակ, որեւէ տեսակի բիզնեսի լիցենզիայի տրամադրում) ստեղծում է դրա համար արհեստական անօրինական խոչընդոտներ է, նա դրանով իր հաճախորդին դրդում է կաշառք տալ, որը հաճախ եւ տեղի է ունենում: Այս իրավիճակը նույնպես մոտ է կոռուպցիայի ավանդական հասկացությանը, քանի որ այն փողկապակցված է կաշառք տալու եւ վերցնելու հետ:
  •  Շատ հաճախ կոռուպցիայի անվան տակ (բառի նեղ իմաստով) հասկանում են իրավիճակ, երբ պաշտոնատար անձը կայացնում է մի ապօրինի որոշում, (երբեմն այդ որոշումը բարոյապես ընդունելի չի հասարակական կարծիքի համար), որն օգուտ է մի երկրորդ կողմի համար (օրինակ,՝ ընկերություն,  շնորհիվ այս որոշմանը ապահովում է իր համար պետպատվեր, շրջանցելով հաստատված կանոնակարգը), եւ պաշտոնատար անձը ապօրինի պարգեւավճար է ստանում այդ կողմից: Բնորոշ նշանները այս իրավիճակի այն է, որ որոշումը խախտում է օրենքը կամ չգրված հասարակական նորմերը, երկու կողմերն էլ գործում են երկկողմանի համաձայնությամբ, երկու կողմերն էլ ստանում են ապօրինի շահույթներ եւ առավելություններ, այնպես էլ փորձում են թաքցնել իրենց գործողությունները.
  •  Վերջապես, լինում են իրավիճակներ, երբ պաշտոնատար անձին ճնշման կամ շանտաժ միջոցով ստիպում են ապօրինի որոշում. Սովորաբար դա տեղի է ունենում արդեն հանցավոր գործունեության մեջ ներքաշված պաշտոնյաների կողմից, որոնք, ենթարկվելով ճնշմանը, ըստ էության, ստանում են մեկ պարզ շահ, որ նրանց չեն բացահայտի

Պետք է նկատել, որ այս թվարկումը չի սպառում կոռուպցիայի երեւույթը:

Օգտակար է տարբերակել վերին եւ ստորին կոռուպցիան: Առաջինը ընդգրկում է քաղաքական գործիչների, բարձր եւ միջին օղակների պաշտոնյաներին եւ ներառում որոշումներ, որոնք ունեն բարձր գին (օրենքների ձեւակերպումներ, պետական ​​պատվերներ, սեփականության ձեւերի փոփոխություններ եւ այլն). Երկրորդը տարածված է միջին եւ ցածր մակարդակներում, եւ կապված է պաշտոնատար անձանց ու քաղաքացիների մշտական, ընթացիկ փոխգործակցությամբ (տուգանքներ, գրանցումներ եւ այլն).

четверг, 19 ноября 2015 г.

Հարցազրույց ԵՄ դեսպան Պյոտր Սվիտալսկիի հետ

Հարցազրույց Պյոտր Սվիտալսկիի հետ
«Այն փաստը, որ ՀՀ-ն հանդիսանում է ԵՏՄ անդամ, ոչ մի կերպ չի ազդում ԵՄ-ի որոշման վրա՝ շարունակել աշխատել ապագայում ամեն մեծ միասնական տնտեսական դաշտ ստեղծելու ուղղությամբ»,
Նոր հարեւանությունը ներառում է անվտանգության բաղադրիչ եւ Հայաստանը պետք է ընտրի, թե դրանից ինչն է իր համար օգտակար:  նաեւ հայտարարել է ԵՄ դեսպան Սվիտալսկին, գրում է լրագիր.ամ-ը


суббота, 7 ноября 2015 г.

Երկրների բարգավաճության վարկանիշը

 Բրիտանական Legatum Institute հրապարակել է աշխարհի երկրների բարեկեցության ցուցակը: Հայաստանը 142 երկրների ցուցակում զբաղեցրել է 93-րդ տեղը, երկու տեղով բարելավելով իր ցուցանիշները 2014թ. համեմատ - 95 -րդ տեղ, այս տարի 94-րդ տեղում Նամիբիան /Աֆրիկա/ է, 95-րդ տեղում Լաոսը /Ասիա/:
Մեր երկրի գործերը առավել վատ են ընթանում "տնտեսության", "անձնական ազատությունների" եւ " սոցիալական կապիտալի" ոլորտներում, լավ՝ "կրթության", "անվտանգության" եւ "գործարարության" ոլորտներում: Չնայած բոլորիս հայտնի է, թե որքան բարդ է փոքր եւ միջին ձեռնարկությունների վիճակը Հայաստանում, այն առումով, թե  որքան հեռու են օրենքները, ըստ որի հաշվի է առնվում գործարարության գործակիցը, գործարարության իրական վիճակից:
Հայաստանը Անձնական Ազատությունների ոլորտում շատ տխուր՝ 119 -րդ տեղում է, նշենք որ նոր սահմանադրության նախագծում* նվազեցվել են մարդու իրավունքները:
«Աջակցություն» ՀԿ -ն հայերեն է թարգմանել Legatum Institute -ի հետխորհրդային երկրների համեմատական ցուցակը, որտեղ
 Հայաստանի դիրքը հետեւյալն է:

Հայաստանի դիրքը տարբեր ոլորտների ցուցակներում, ըստ որոնց հանրագումարի Հայաստանը զբաղեցրել է 93-րդ տեղը բարեկեցիկ երկրների վարկանիշային ցուցակում:
գործարարություն 69
տնտեսություն 126
պետական կառավարում 92
կրթություն 49
առողջապահություն 86
անվտանգություն 55
անձնական ազատություններ 119
սոցիալական կապիտալ 124
-----
*Նոր սահմանադրության նախագծից, որը ըստ երեւույթին կընդունվի դեկտեմբերին քանի որ փաստացի  չի գործում ընտրության իրավունքը,  «Թրանսփարենսի Ինթերնեշնլ» հակակոռռուպցիոն կենտրոնը նշում է, որ հանվել է ներկա սահմանադրությամբ ամրագրված մարդու իրավունքները,   նոր սահմանադրության նախագծում ոչ մի խոսք չկա առողջ շրջակա միջավայրում ապրելու մարդու իրավունքի մասին եւ պետության պարտավորությունը՝ ապահովելու շրջակա միջավայրի պաշտպանությունը: Մարդու սոցիալ-տնտեսական իրավունքը, ձեւափոխվել է որպես պետության օրենսդրական երաշխիք և պետության նպատակներ: Առողջությունը պահպանելու իրավունքը, սոցիալական ապահովության իրավունքը, աշխատանքի ընտրության ազատության իրավունքը, եւ այլ իրավունքներ այլևս ձևակերպված չեն որպես պետության կողմից սահմանադրորեն ճանաչվող իրավունքներ, այլ ձևակերպված է, որ յուրաքանչյուր ոք օրենքին համապատասխան ունի սոցիալական ապահովության իրավունք, առողջությունը պահպանելու իրավունք և այդ իրավունքներից օգտվելու կարգ ու պայմանները սահմանվում են օրենքներով:
Աղբյուր http://armenkochinyan.blogspot.com/ եւ  ԱՋԱԿՑՈՒԹՅՈՒՆ ՀԿ

понедельник, 2 ноября 2015 г.

Ով ավելի մեծ ֆինանսական հնարավորություններ ունի, ըստ Երվանդ Զախարյանի

Ստացվել է Էլեկտրոէներգիայի թանկացման դեմ Կառավարությանն ուղղվածՙ մեր հոկտեմբերի 20-2015թ.  դիմումի պատասխանը.
Հիշեցնենք որ մեր դիմումում հիմնավորել էինք մեր պահանջը եւ առաջարկություններ արել, որտեղ մասնավորապես ասվում էր.
ՙՙՄինչև 250 կիլովատ էլեկտրոէներգիա սպառող բնակչությանը փոխհատուցելու մասին կառավարության որոշումը հասցեական չի եւ չի մեղմում Էլեկտրաէներգիաի թանկացման հետեւանքով ավելի ծանր սոցիալալական դրության մեջ հայտնված անապահով բնակիչների վիճակը, քանի որ, շատ անապահով ընտանիքներ հատկապես ձմռան ամիսներին 250 կՎտ-ից ավելի են սպառում, ոմանք հնարավորություն չունեն օգտվել բնական գազից, խոցելի խմբի ընտանիքները տարբեր այլ պատճառներով չեն կարող նվազեցնել էլեկտրոէներգիաի սպառման ծավալը:ՙ
Կառավարությանն ուղարկված այս դիմումին պատասխանել է  Էներգետիկայի եւ Բնական Պաշարների Նախարարը, ըստ այդմ   սոցիալական վատ վիճակում գտնվող  խմբի բնակիչները,  ինչպես ինքն է գրել ,,ավելի մեծ սպառում ունեցող, այսինքն ավելի մեծ ֆինանսական հնարավորություններ ունեցող, հետեւաբար նրանց փոխհատուցում չի տրվելու, բացի դա ըստ նախարարի հաշվարկների բնակչության 79 տոկոսը 250 կՎտ-ից պակաս էլեկտրոէներգիա է սպառելու, ձմռան ամիսներին մեր տեղեկություններով դրա հակառակ պատկերն է: 

воскресенье, 1 ноября 2015 г.

ՀՀ Ազգային Վիճակագրական ծառայություն-ԱՋԱԿՑՈՒԹՅՈՒՆ ՀԿ

ՀՀ Ազգային Վիճակագրական ծառայության հարցմանը ի պատասխան.
Աջակցություն ՀԿ  դադարեցնում է իր կողմից վիճակագրական տվյալների տրամադրումը ԱՎԾ -ին, մինչեւ 2016թ. հոկտեմբերի 31 -ը, եթե մինչեւ այդ ծրագրեր չիրականացնի: Այս մասին, մեր մասնակցությամբ  համապատասխան գրավոր գրանցում է արվել ԱՎԾ -ում:

вторник, 27 октября 2015 г.

Doing Business. Հայաստանը 189 պետությունների մեջ 5-րդ տեղում է բիզնես սկսելու ռումով

Թե որքանով այն կապ ունի իրականության հետ դատեցեք ինքներտ:
-----------------------------
  Նյութի աղբյուր՝  
lragir.am
Այսօր հրապարակվեց Doing Business 2016.Կանոնակարգիչ դաշտի որակի ունպատակային արդյունավետությանգնահատում զեկույցը, որի համաձայն տարածաշրջանի 25 երկրներից 23-ում արձանագրվել է 58 բարեփոխում:

Հայաստանը հեշտացրել է շինարարական թույլտվությունների հետ կապված գործընթացը: Մասնավորապես, ցածր ռիսկային նախագծերի համար չեն կիրառվում անկախ փորձագետի կողմից ճարտարապետական նախագծի հաստատման և շինարարության նկատմամբ տեխնիկական վերահսկողության պահանջները: Բացի այդ, Եվրասիական տնտեսական միությանն անդամակցելու հետ մեկտեղ երկիրը կրճատել է Ռուսաստանյան Դաշնության հետ առևտրի հետ կապված փաստաթղթային ու սահմանայինն ընթացակարգերի ժամանակն ու ծախսերը: Եվ, իհարկե պետք է նշել, որ նոր օրենքի համաձայն, որով գործով դատավորների նշանակումը կատարվում է պատահականության սկզբունքով ու ամբողջովին ավտոմատացված համակարգի միջոցով, դյուրացվել է պայմանագրերի կիրարկման հարցը երկրի բոլոր դատարաններում:
Հայաստանը աշխարհում 26 այլ տնտեսությունների շարքում այն երկրներից է, որը իրականացրել է երեք կամ ավելի բարեփոխումներ, այդպես են վարվել աշխարհի տնտեսությունների միայն 14 տոկոսը: Նախորդ տարվա զեկույցի արդյունքների համեմատՀայաստանը այս տարի ամենաբարձր ցուցանիշից իր հեռավորությամբ 2 միավորով առաջացել է: Համեմատության համար նշենք, որ ԵԿԱ տարածաշրջանի երկրների համար այդ ցուցանիշը միջինում 1-ից ցածր է եղել:
Մասնավորապես բարելավումներ են արձանագրվել հետևյալ ուղղություններով՝
- Բարեփոխումները սահմանային առևտրիուղղությամբ՝ Եվրասիական տնտեսական միությանն անդամակցելու արդյունքում Հայաստանը կրճատել է Ռուսաստանի Դաշնության հետ առևտրի փաստաթղթային ու սահմանային ընթացակարգերի ժամանակն ու ծախսերը:
- Արդյունքում ներկրման համար պահանջվող ժամանակը 50 ժամից նվազել է՝ մոտավորապես կազմելով 3 ժամ: Այս ցուցիչով երկիրը 58-րդ հորիզոնականից հայտնվել է 29-րդում:
- Բարեփոխումները պայմանագրերիկիրարկման ուղղությամբ՝ նոր օրենքի համաձայն, որով գործող դատավորների նշանակումը կատարվում է պատահականության սկզբունքով ու ամբողջովին ավտոմատացված համակարգի միջոցով, դյուրացվել է պայմանագրերի կիրարկման հարցը Հայաստանի բոլոր դատարաններում:
- Բիզնես սկսելու առումով` Հայաստանըաշխարհում լավագույն երկրների շարքում է (189 տնտեսությունների շարքում զբաղեցնում է 5-րդ հորիզոնականը), իսկ սեփականության գրանցման տեսանկյունից գտնվում է 14-րդ հորիզոնականում:
- Երևանում բիզնես սկսելու համար գործարարից պահանջվում է 3 օր: Սա Դանիայի ցուցանիշի հետ համադրելի արդյունք է:
Ի տարբերություն աշխարհում միջինում սեփականության գրացման համար պահանջվող 48 օրվա, Հայաստանում այդ ցուցանիշը կազմում է 7 օր:
Այս մասին տեղեկացնում են ՀԲ-ից:- See more at: http://www.lragir.am/index/arm/0/economy/view/122413#sthash.VTekAqTB.dpuf

пятница, 2 октября 2015 г.

էլեկտրաէներգիաի սակագինը փոխհատուցելու կառավարության որոշումը հասցեական չէ եւ կոռռուպցիոն ռիսկեր է ստեղծում


«Աջակցություն»  ՀԿ բաց է գործողություններին միանալու, առաջարկությունների քննարկման մասնակցելու, եւ սեփական առաջարկությունները ներկայացնելու համար եւ պատրաստ համագործակցելու սոցիալական աջակցության, մարդու իրավունքների, քաղաքացիական նախաձեռնությունների՝ եւ ուրիշ շահագրգիռ հասարակական կազմակերպությունների եւ ֆիզիկական անձանց հետ, հասարակության տարբեր շերտերի հուզող խնդիրներին լուծումներ գտնելու համար:

пятница, 25 сентября 2015 г.

Մեկ տարում Հայաստանի բյուջեից 75 մլն. դոլար , որ ռուսական երկաթուղին անհրաժեշտ բեռներ հասցնի ռուսական զորամաս


Ռուսական զինուժի ծախսերը շարունակում է փոխհատուցել ՀՀ կառավարությունը
 Անցյալ տարվա դեկտեմբերի վերջին շուրջ 50 միլիոն  հատկացվեց, այժմ՝ այս եռամսյակի համար  25 միլիոն:
Հիշեցնենք, որ Հայաստանի բյուջեից ի թիվս Ռուսաստանին այլ հատկացումների,  վերջերս որոշում կայացվեց բյուջեից ռուսական ընկերությանը վճարել նաեւ էլ.էներգիայի անհիմն թանկացման գումարները:
pastinfo.am. ՀՀ կառավարության այսօրվա նիստում որոշում կայացվեց ազգային անվտանգության ծառայությանը ՀՀ պետբյուջեի պահուստային ֆոնդից 10 413 000 դրամ հատկացնելու մասին:

Այս գումարը, ինչպես նշված է որոշման նախագծում` «Հարավկովկասյան երկաթուղի» փակ բաժնետիրական ընկերության կողմից ՀՀ տարածքում երկաթուղով իրականացվող միջպետական ռազմական փոխադրումների, երկաթուղային կայարաններում կատարվող սպասարկումների և մատուցվող ծառայությունների դիմաց 2015 թվականի 2-րդ եռամսյակում  կատարված ծախսերի փոխհատուցման նպատակով» է:

Իսկ որպես որոշման հիմք է վկայակոչվում կառավարության 2004 թվականի օգոստոսի 19-ի  N 1177-Ն որոշումը:

Այս որոշման մանրամասները, թեև այսօր հաստատված նախագծում չեն հրապարակվում, բայց, նշեք, որ այն վերաբերում է Հայաստանում տեղակայված Ռուսաստանի Դաշնության զորամիավորումների երկաթուղային ծախսերի փոխհատուցմանը: Եվ սա գաղտնիք չէ, քանի որ ռուսական զորքերի այդ ծախսերը հայկական կողմը արդեն 11 տարի է, ինչ հոգում է:

Սակայն, հարկ է նշել, որ 2004թ-ին, երբ այս որոշումն ընդունվում էր և ՌԴ-ի հետ համապատասխան համաձայնագիր էր կնքվում, երկաթուղին դեռ ՀՀ կառավարության սեփականությունն էր:

2008թ-ին ՀՀ կառավարության հետ կնքված կոնցեսիոն պայմանագրով «Հարավկովկասյան երկաթուղի»-ն փոխանցվեց ռուսական կողմին, և այդ պաից ի վեր «Ռուսասկան երկաթուղիներ» ՓԲԸ-ի 100%-անոց դուստր ձեռնարկությունն է:

Այսինքն` արդեն 7 տարի շարունակ ՀՀ-ն իր բյուջետային  սուղ միջոցներից վճարում է

понедельник, 21 сентября 2015 г.

Մարդկային զարգացման համաթիվը

Մարդկային զարգացման համաթիվը (ՄԶՀ) (կամ Մարդկային զարգացման ինդեքս), մինչեւ 2013 թ. «Մարդկային պոտենցիալի զարգացման ինդեքս». հաշվարկվում է ՄԱԿ-ի զարգացման ծրագրերի շրջանակում, ինտեգրալ ցուցանիշ է,  որը հաշվարկվում է ամեն տարի երկրների միջեւ համեմատության համար: Չափվում է եւ կազմվում 187 երկրների ցուցակ, որպես մարդկային պոտենցիալի հիմնական բնութագրեր համեմատելու համար, իսկ մարդկային պոտենցիալի հիմնական բնութագրեր հանդիսանում են՝ հետեւյալ ցուցանիշները, կյանքի մակարդակ, գրագիտություն, կրթվածություն,  երկարակեցություն: 
Այն ստանդարտ գործիք է հանդիսանում տարբեր երկրներ եւ տարածաշրջանների կենսամակարդակները համեմատելու համար:
ՄԶՀ հաշվարկման համար հաշվի է առնվում երեք տեսակի ցուցանիշներ:
  • Կյանքի սպասվող տեւողություն - գնահատում է երկարակեցությունը:
  • Երկրի բնակչության գրագիտության մակարդակ (կրթության համար ծախսվող տարիների միջին թիվը) եւ կրթության սպասվող տեւողությունը:
  • Կյանքի կենսամակարդակը, գնահատված մեկ շնչին ընկնող համախառն ազգային եկամուտի միջոցով, ըստ  ԱՄՆ դոլարով արտահայտած գնողունակության կարողության հնարավորության:
Հայաստանը գտնվում է երկրորդ խմբում եւ զբաղեցնում է 87-րդ տեղը: Չնայած Հայաստանում դպրոցական կրթության տարիների ավելացմանը, Հայաստանը ետ է մնում Ադրբեջանից եւ ԱՊՀ միշարք երկրներից: Նկարում 2014թ. զեկույցն է պատկերված, 2013թ. համար, այս տարվա զեկույցը՝ 2014 թ, համար դեռ չի հրապարակվել, պատրաստ լինելու դեպքում նույնպես կհրապարակենք:
  • = բարձրացել է.      /նախորդ տարվա զեկույցի համեմատ, նախորդ տարվա համեմատ/
  • = կայուն.
  • = նվազում.
  • փակագծերի մեջ թե քանի աստիճանով է փոփոխություն տեղի ունեցել նախորդ տարվա համեմատությամբ



Առաջին տասնյակը զբաղեցնում են հետեւյալ երկրները

пятница, 11 сентября 2015 г.

Հայտարարություն 12-09-2015

«Աջակցություն» ՀԿ նպատակահարմար չի համարում էլէներգիայի թանկացման դեմ նոր բողոքի ակցիաների կազմակերպումը, քանի որ ակցիաները, ինչպես հունիսին այնպես էլ հիմա  ուղղված չեն լինելու թանկացման պատճառների վերացմանը, ավելին ՝ հակառակ արդյունքի կարող են հանգեցնել, ինչպես եղավ հունիս ամսին:
Հունիս ամսին ջրցանի գործողության օրւվանից սկսված գրեթե ամեն օր մասնակցել ենք բողոքի ակցիաներին, բայց ցավոք, տեսնելով որ ակցիաները անհասկանալի նպատակ են հետապնդում, դադարացրինք մեր մասնակցությունը, ինչպես որ շատերը, երբ վերջի օրերին  շատ քիչ մարդ էր սկսել մասնակցել:
Ակցիաների նպատակը, արդեն հունիսին բոլորին պարզ դարձավ կարծում ենք, երբ եվրամիության դրոշը պատառոտեցին: Մինչրդեռ թանկացման հայտ ներկայացրած ընկերությունը ռուսական է, ոչ թե ԵՄ երկրներից:
Առաջարկում ենք  ՀՀ բյուջեից միջոցներ չհատկացնել ծածկելու սակագնի տարբերությունը, օտարերկրյա ընկերություններին պետական բյուջեի միջոցների հատկացումը  նրանց վնասները փոխհատուցելու պատճառաբանությամբ, կամ այլ պատճառաբանությամբ, որ գործնականում բյուջեի միջոցների տրամադրում է այդ ընկերություններին, համարում ենք խրախուսում նրանց կողմից թանկացման համար եւ նման գործելաոճը կոռռուպցիոն մեծ ռիսկեր է պարունակում: Առաջարկում ենք ռուսական ընկերությանը սակագնի տարբերության համար բյուջեից դուրս գրվող գումարների փոխարեն, ավելացնել սոցիալապես անապահով ընտանիքներին տրվող վճարները, եւ մնացած բնակչությանը տրվող  վճարները:
«Աջակցություն» ՀԿ  12-09-2015

понедельник, 31 августа 2015 г.

ԿՈՆՎԵՆՑԻԱ ՄԱՐԴՈՒ ԻՐԱՎՈՒՆՔՆԵՐԻ ԵՎ ՀԻՄՆԱԿԱՆ ԱԶԱՏՈՒԹՅՈՒՆՆԵՐԻ ՊԱՇՏՊԱՆՈՒԹՅԱՆ ՄԱՍԻՆ


http://www.arlis.am/DocumentView.aspx?DocID=20870

Համարը 
Տեսակը 
Մայր
Տիպը 
Միջազգային պայմանագիր
Կարգավիճակը 
Գործում է
Սկզբնաղբյուրը 
ՀՀՊՏ 2002.06.05/17(192) Հոդ.367
Ընդունման վայրը 
Հռոմ
Ընդունող մարմինը 
Եվրոպայի խորհուրդ
Ընդունման ամսաթիվը 
04.11.1950

 

ՀՀ ՄԻՋԱԶԳԱՅԻՆ ՊԱՅՄԱՆԱԳԻՐ ԿՈՆՎԵՆՑԻԱ ՄԱՐԴՈՒ ԻՐԱՎՈՒՆՔՆԵՐԻ ԵՎ ՀԻՄՆԱՐԱՐ ԱԶԱՏՈՒԹՅՈՒՆՆԵՐԻ ՊԱՇՏՊԱՆՈՒԹՅԱՆ ՄԱՍԻՆ* ՓՈՓՈԽՎԱԾ 11-ՐԴ ԱՐՁԱՆԱԳՐՈՒԹՅԱՄԲ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻՋԱԶԳԱՅԻՆ
Պ Ա Յ Մ Ա Ն Ա Գ Ի Ր
ԿՈՆՎԵՆՑԻԱ ՄԱՐԴՈՒ ԻՐԱՎՈՒՆՔՆԵՐԻ ԵՎ ՀԻՄՆԱՐԱՐ ԱԶԱՏՈՒԹՅՈՒՆՆԵՐԻ ՊԱՇՏՊԱՆՈՒԹՅԱՆ ՄԱՍԻՆ* ՓՈՓՈԽՎԱԾ 11-ՐԴ ԱՐՁԱՆԱԳՐՈՒԹՅԱՄԲ
(4-ը նոյեմբերի, 1950 թ., Հռոմ)
Սույն Կոնվենցիան ստորագրած կառավարությունները, լինելով Եվրոպայի խորհրդի անդամներ,
նկատի ունենալով 1948թ. դեկտեմբերի 10-ին Միավորված ազգերի կազմակերպության Գլխավոր ասամբլեայի հռչակած Մարդու իրավունքների համընդհանուր հռչակագիրը,
նկատի ունենալով, որ սույն Հռչակագիրը նպատակ ունի ապահովելու այնտեղ հռչակված իրավունքների համընդհանուր և արդյունավետ ճանաչումն ու պահպանումը,
նկատի ունենալով, որ Եվրոպայի խորհրդի նպատակն իր անդամների միջև առավել միասնություն ձեռք բերելն է, և որ այդ նպատակին հասնելու միջոցներից մեկը մարդու իրավունքների ու հիմնարար ազատությունների պահպանումը և հետագա իրականացումն է,
կրկին հավաստելով իրենց խորին հավատը այդ հիմնարար ազատությունների նկատմամբ, որոնք արդարության ու խաղաղության հիմքն են աշխարհում, և որոնց լավագույն պահպանումը կախված է, մի կողմից, քաղաքական արդյունավետ ժողովրդավարությունից և, մյուս կողմից, մարդու` դրանց վերաբերող իրավունքների ընդհանուր ըմբռնումից ու պահպանումից,
համակված վճռականությամբ՝ որպես միասնական հայացքներ և քաղաքական ավանդույթների, իդեալների, ազատության և իրավական պետության ընդհանուր ժառանգություն ունեցող եվրոպական երկրների կառավարություններ` առաջին քայլերն անել Համընդհանուր հռչակագրում ամրագրված որոշ իրավունքների հավաքական իրականացման ճանապարհին,
համաձայնեցին ներքոհիշյալի շուրջ.
Հոդված 11. Մարդու իրավունքները հարգելու պարտականությունը
Բարձր պայմանավորվող կողմերն իրենց իրավազորության ներքո գտնվող յուրաքանչյուրի համար ապահովում են այն իրավունքներն ու ազատությունները, որոնք սահմանված են սույն Կոնվենցիայի I բաժնում:
ԲԱԺԻՆ I1
Իրավունքներ ԵՎ ազատություններ
Հոդված 21. Կյանքի իրավունք
1. Յուրաքանչյուրի կյանքի իրավունքը պաշտպանվում է օրենքով:
Ոչ մեկին չի կարելի դիտավորությամբ զրկել կյանքից այլ կերպ, քան ի կատարումն դատարանի կայացրած դատավճռի` այն հանցագործության համար, որի կապակցությամբ օրենքով  նախատեսված է այդ պատիժը:
2. Կյանքից զրկելը չի համարվում սույն հոդվածի խախտում, եթե այն հետևանք է ուժի գործադրման, ինչը բացարձակապես անհրաժեշտ է՝
ա. ցանկացած անձի անօրինական բռնությունից պաշտպանելու համար,
բ. օրինական ձերբակալում իրականացնելու կամ օրինական հիմքերով կալանավորված անձի փախուստը կանխելու համար,
գ. խռովությունը կամ ապստամբությունը ճնշելու նպատակով օրենքին համապատասխան գործողություն ձեռնարկելու համար:
Հոդված 32. Խոշտանգումների արգելում
Ոչ ոք չպետք է ենթարկվի խոշտանգումների կամ անմարդկային կամ նվաստացնող վերաբերմունքի կամ պատժի:
Հոդված 41. Ստրկության և հարկադիր աշխատանքի արգելում
1. Ոչ ոք չպետք է պահվի ստրկության մեջ կամ անազատ վիճակում:
2. Ոչ ոք չպետք է պարտադրվի կատարելու պարտադիր կամ հարկադիր աշխատանք:
3. Սույն հոդվածի նպատակների համար «պարտադիր կամ հարկադիր աշխատանք» հասկացությունը չի ներառում՝
ա. ցանկացած աշխատանք, որը սովորաբար պահանջվում է կատարել սույն Կոնվենցիայի 5-րդ հոդվածի դրույթների համաձայն կալանքի տակ գտնվելու կամ նման կալանքից պայմանականորեն ազատված լինելու ընթացքում,
բ. զինվորական բնույթի ցանկացած ծառայություն, իսկ այն երկրներում, որտեղ օրինական է ճանաչվում զինվորական ծառայությունից հրաժարվելը` համոզմունքներից ելնելով` պարտադիր զինվորական ծառայության փոխարեն նշանակված ծառայությունը,
գ. ցանկացած ծառայություն, որը պարտադիր է բնակչության կյանքին կամ բարեկեցությանն սպառնացող արտակարգ դրության կամ աղետի դեպքում,
դ. սովորական քաղաքացիական պարտականությունների մաս կազմող ցանկացած աշխատանք կամ ծառայություն:
Հոդված 51. Ազատության և անձնական անձեռնմխելիության իրավունք
1. Յուրաքանչյուր ոք ունի ազատության և անձնական անձեռնմխելիության իրավունք: Ոչ ոքի չի կարելի ազատությունից զրկել այլ կերպ, քան հետևյալ դեպքերում և օրենքով սահմանված կարգով.
ա. անձին օրինական կերպով կալանքի տակ պահելը իրավասու դատարանի կողմից նրա դատապարտվելուց հետո,
բ. անձի օրինական ձերբակալումը կամ կալանավորումը դատարանի օրինական կարգադրությանը չենթարկվելու համար կամ օրենքով նախատեսված ցանկացած պարտավորության կատարումն ապահովելու նպատակով,
գ. անձի օրինական կալանավորումը կամ ձերբակալումը՝ իրավախախտում կատարած լինելու հիմնավոր կասկածի առկայության դեպքում նրան իրավասու օրինական մարմնին ներկայացնելու նպատակով կամ այն դեպքում, երբ դա հիմնավոր կերպով անհրաժեշտ է համարվում նրա կողմից հանցագործության կատարումը կամ այն կատարելուց հետո նրա փախուստը կանխելու համար,
դ. անչափահասին կալանքի վերցնելը օրինական կարգադրության հիման վրա՝ դաստիարակչական հսկողության համար, կամ նրա օրինական կալանավորումը՝ նրան իրավասու իրավական մարմնին ներկայացնելու նպատակով,
ե. անձանց օրինական կալանքի վերցնելը՝ վարակիչ հիվանդությունների տարածումը կանխելու նպատակով, ինչպես նաև հոգեկան հիվանդներին, գինեմոլներին կամ թմրամոլներին կամ թափառաշրջիկներին օրինական կալանքի վերցնելը,
զ. անձի օրինական կալանավորումը կամ ձերբակալումը՝ նրա անօրինական մուտքը երկիր կանխելու նպատակով, կամ այն անձի օրինական կալանավորումը կամ ձերբակալումը, որի դեմ միջոցներ են ձեռնարկվում` նրան արտաքսելու կամ հանձնելու նպատակով:
2. Յուրաքանչյուր ձերբակալված իրեն հասկանալի լեզվով անհապաղ տեղեկացվում է իր ձերբակալման պատճառների և ներկայացվող ցանկացած մեղադրանքի մասին:
3. Սույն հոդվածի 1-ին կետի «գ» ենթակետի դրույթներին համապատասխան ձերբակալված կամ կալանավորված յուրաքանչյուր ոք անհապաղ տարվում է դատավորի կամ այլ պաշտոնատար անձի մոտ, որն օրենքով լիազորված է իրականացնելու դատական իշխանություն և ունի ողջամիտ ժամկետում դատաքննության իրավունք կամ մինչև դատաքննությունն ազատ արձակվելու իրավունք: Ազատ արձակումը կարող է պայմանավորվել դատաքննության ներկայանալու երաշխիքներով:
 4. Յուրաքանչյուր ոք, ով ձերբակալման կամ կալանավորման պատճառով զրկված է ազատությունից, իրավունք ունի վիճարկելու իր կալանավորման օրինականությունը, որի կապակցությամբ դատարանն անհապաղ որոշում է կայացնում և կարգադրում է նրան ազատ արձակել, եթե կալանավորումն անօրինական է:
5. Յուրաքանչյուր ոք, ով, ի խախտումն սույն հոդվածի դրույթների, ձերբակալման կամ կալանավորման զոհ է դարձել, իրավունք ունի հայցի ուժով օժտված փոխհատուցման:
Հոդված 63. Արդար դատաքննության իրավունք
1. Յուրաքանչյուր ոք, երբ որոշվում են նրա քաղաքացիական իրավունքներն ու պարտականությունները կամ նրան ներկայացված ցանկացած քրեական մեղադրանքի առնչությամբ, ունի օրենքի հիման վրա ստեղծված անկախ ու անաչառ դատարանի կողմից ողջամիտ ժամկետում արդարացի և հրապարակային դատաքննության իրավունք: Դատավճիռը հրապարակվում է դռնբաց նիստում, սակայն մամուլի ներկայացուցիչների և հանրության ներկայությունը կարող է չթույլատրվել ամբողջ դատաքննության կամ նրա մի մասի ընթացքում՝ ժողովրդավարական հասարակության մեջ բարոյականության, հասարակական կարգի  կամ պետական անվտանգության շահերից ելնելով, երբ դա են պահանջում անչափահասների շահերը կամ կողմերի մասնավոր կյանքի պաշտպանությունը, կամ` այնքանով, որքանով դա, դատարանի կարծիքով, հատուկ հանգամանքների բերումով խիստ անհրաժեշտ է, եթե հրապարակայնությունը կխախտեր արդարադատության շահերը:
2. Յուրաքանչյուր ոք, ով մեղադրվում է քրեական հանցագործություն կատարելու մեջ, համարվում է անմեղ, քանի դեռ նրա մեղավորությունն ապացուցված չէ օրենքին համապատասխան:
3. Քրեական հանցագործություն կատարելու մեջ մեղադրվող յուրաքանչյուր ոք ունի հետևյալ նվազագույն իրավունքները.
ա. իրեն հասկանալի լեզվով անհապաղ ու հանգամանորեն տեղեկացվելու իրեն ներկայացված մեղադրանքի բնույթի և հիմքի մասին,
բ. բավարար ժամանակ ու հնարավորություններ` իր պաշտպանությունը նախապատրաստելու համար,
գ. պաշտպանելու իրեն անձամբ կամ իր  ընտրած դատապաշտպանների միջոցով կամ, եթե նա բավարար միջոցներ չունի դատապաշտպանի ծառայության դիմաց վճարելու համար, ունենալու անվճար նշանակված դատապաշտպան, երբ դա պահանջում են արդարադատության շահերը,
դ. հարցաքննելու իր դեմ ցուցմունք տվող վկաներին կամ իրավունք ունենալու, որ այդ վկաները ենթարկվեն հարցաքննության, և իրավունք ունենալու` իր վկաներին կանչելու ու հարցաքննելու միևնույն պայմաններով, ինչ իր դեմ ցուցմունք տված վկաները,
ե. օգտվելու թարգմանչի անվճար օգնությունից, եթե ինքը չի հասկանում դատարանում գործածվող լեզուն կամ չի խոսում այդ լեզվով։
Հոդված 74. Պատիժ` բացառապես օրենքի հիման վրա

четверг, 27 августа 2015 г.

Մարդու ազատության ինդեքս 2015 զեկույց. Երկրների ցանկ

Որ երկրներում են մարդիկ ամենալավ ապրում:
«Մարդու ազատության ցուցանիշը»   համատեղ իրականացվել է Վաշինգտոնի Կատոյի ինստիտուտի, Վանկուվերի Ֆրեյզերի ինստիտուտի և Բեռլինի Ֆրիդրիխ Նաումանի անվան հանուն ազատության հիմնադրամի կողմից:
2012 թվականի տվյալների համաձայն պատրաստված եւ օրերս հրապարակված այս զեկույցը երկրները դասում է ըստ քաղաքացիների անհատական, քաղաքացիական և տնտեսական ազատությունների:
Նկարները պատրաստել ենք ըստ ՝ https://www.fraserinstitute.org/uploadedFiles/fraser-ca/Content/research-news/research/publications/human-freedom-index-preliminary-report.pdfՀայաստանը զբաղեցնում է 53 տեղը, առաջ անցնելով մի շարք եվրոպական երկրներից եւ տարածաշրջանի երկրներից, ինչը մեղմ ասած  շատ վիճելի է կարծում եմ, 2015 թ վիճակով համենայն դեպս:
HUMAN FREEDOM INDEX RANKINGS AND DEMOCRACY INDEX

вторник, 25 августа 2015 г.

Հայաստանի Հանրապետության մշտական բնակչության թվաքանակը 2015 թվականի հուլիսի 1-ի դրությամբ

Տվյալ նյութը հրապարակել է NSS RA Կառավարական կազմակերպությունը /ԱՎԾ/, եւ նյութում տեղ գտած թվերի ստացման մասին հարցերով դիմեք ԱՎԾ,  կայքի հասցեն ՝ http://armstat.am/am/?nid=82&id=1679 ,  ամբողջությամբ՝ http://armstat.am/file/article/bnakch_01.07.2015.pdf
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇՏԱԿԱՆ ԲՆԱԿՉՈՒԹՅԱՆ ԹՎԱՔԱՆԱԿԸ 2015 թվականի ՀՈՒԼԻՍԻ1-Ի ԴՐՈՒԹՅԱՄԲ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇՏԱԿԱՆԲՆԱԿՉՈՒԹՅԱՆ ԹՎԱՔԱՆԱԿԸ 2015թ. ՀՈՒԼԻՍԻ1-ի ԴՐՈՒԹՅԱՄԲ (2011թ.մարդահամարի հիմքով վարվող ընթացիկ հաշվառմամբ)(հազար մարդ)
Ընդամենը
Քաղաք   1 910.6        Գյուղ  1 094.9

ք.Երեւան 1 071.8                1 071.8                  


ԵՐԵՎԱՆԻ ՔԱՂԱՔԱՅԻՆ ՀԱՄԱՅՆՔԻ  ՄՇՏԱԿԱՆ ԲՆԱԿՉՈՒԹՅԱՆ
ԹՎԱՔԱՆԱԿՆ ԸՍՏ ՎԱՐՉԱԿԱՆ ՇՐՋԱՆՆԵՐԻ
                                     2015 թ.  ՀՈՒԼԻՍԻ 1-ի  ԴՐՈՒԹՅԱՄԲ
 (2011թ. մարդահամարի հիմքով վարվող ընթացիկ հաշվառմամբ)


                                                                                                                          (հազար մարդ)

         Ընդամենը

ք. Երևան
1 071.8
Աջափնյակ
108.9
Ավան
53.1
Արաբկիր
115.9
Դավիթաշեն
42.4
Էրեբունի
126.1
Կենտրոն
125.7
Մալաթիա-Սեբաստիա
135.4
Նոր-Նորք
129.9
Նորք-Մարաշ
11.9
Նուբարաշեն
9.8
Շենգավիթ
138.6
Քանաքեռ-Զեյթուն
74.1


воскресенье, 23 августа 2015 г.

Պահանջում ենք քրեական պատասխանատվության ենթարկել ոստիկանության ավագ լեյտենանտ Արթուր Վարդգեսյանին

«Աջակցություն» հասարակական կազմակերպությունը դատապարտում է ՀՀ ոստիկանության կողմից իրականացվող բռնությունները, մասնավորապես օգոստոսի 21-ին տեղի ունեցած բողոքի ակցիայի ժամանակ տարեց տղամարդուն ապտակելու աննախադեպ բռնության փաստը, ընդհանրապես Հայաստանի քաղաքացիների նկատմամբ ոստիկանության աշխատակիցների կողմից բռնի ուժի կիրառումը:
«Աջակցություն» հասարակական կազմակերպությունը պահանջում է քրեական պատասխանատվության ենթարկել «Ոտքի՛, Հայաստան» նախաձեռնության բողոքի ակցիայի ժամանակ տարեց տղամարդուն ապտակած ոստիկանության ավագ լեյտենանտ Արթուր Վարդգեսյանին, նրա կողմից պաշտոնական դիրքի չարաշահման եւ խուլիգանության դրսեւորման փաստի կապակցությամբ:
23-08-2015

среда, 19 августа 2015 г.

Օլիգարխների մաքրման գործընթաց է սկսվել

Չնայած ԱՄՆ -ն ու Արեւմուտքը գործնական միջոցառումներ են իրականացնում Հայաստանի փլուզումը  թույլ չտալու համար, միաժամանակ Ռուսաստանի թուլացման հետ ուժեղացնելով իրենց ներկայությունն
ու վերահսկողությունը, վերջի շաբաթում Ռուսաստանի վիճակի կտրուկ վատթարացմանը զուգահեռ Հայաստանում նույնպես լարված վիճակը գնալով մեծանում է: Հովիկ Աբրահամյանի կողմից բյուջեից ՀԷՑ-ի օգտին 200 մլն. դրամի դուրս գրումը, Նեմեցի թիկնապահների կողմից ռուսական ավիաուղիների շահույթների դեմ գործունեություն նախաձեռնած «Էյր Արմենիա» ավիաընկերության սեփականատեր Արսեն Ավետիսյանին ծեծելու փաստը, Մհեր Սեդրակյանի թիկնապահների կողմից, ռուսական Գազպրոմին դեմ գործող, ակտիվիստ  Վահան Մարտիրոսյանի ծեծի փաստը, ցույց են տալիս, որ Հայաստանում դեռեւս ռուսների բիզնեսների եկամուտների չնվազումը ապահովելու խստացված բայց իրականում նրանց ոչինչ չտվող միջոցառումներ են, օլիգարխներին Հայաստանից մաքրման գործընթացն է սկսվում:
19.08.15,

четверг, 13 августа 2015 г.

Պերմյակովի դատավարության առաջի փուլը ավարտվեց

Պերմյակովի դատավարության առաջի փուլը ցույց տվեց, որ  ռուսական իշխանությունների ուղղորդմամբ մատուցվում է այն ինչը այս պահին ուզում են ասվի
 Հաստատվում են հանցագործության աառաջի օրվանից կասկածները, որ ամեն ինչ արվում է հանցագործությունը չբացահայտվելու, մեղավորներին պատժից թաքցնելու համար: 
 Հատկանշական է, որ հանցագործությունը ի սկզբանե ահաբեկչական գործողութան  տարրեր է պարունակում եւ ահաբեկչական գործողություն է հիշեցնում:  Գյումրիում Ավետիսյանների սպանդի կատարումից անմիջապես հետո, դրա կատարումը իրենց վրա են վերցրել Ռուսաստանի իշխանությունները: Կարծում ենք սա Ռուսաստանի կողմից իրականացված ահաբեկչական գործողություն է, ինչպես ցույց տվեցին հետագա գործողությունները, կատարվել է  Թուրքիայի հետ վստահելի հարաբերություններ կառուցելու բարեկամական նոր փուլ սկսելու համար եւ Հայաստանում ու Գյումրիում նոր տարածքներ վերցնելու համար: